البوست ده موجه للبنات اللى بتمشى فى محلات بيع الميكب اب وهى مش عارفه تبدأ تشترى ايه ومنين، غالبا انت من البنات اللى اخرها كحل وروج وفى الافراح كمان مش الاوقات العاديه. عالم الميك اب واسع جدا بالنسبه للناس اللى ماعندهاش خلفيه عنده 

هتلاقى كل شويه حد يقولك انت لازم تجيبى كذا وكذا وكذا وانت مش عارفه فعلا محتاجه الحاجات دى ولا لا ولو جبتيها هل هتعرفى تستخدميها؟

البرايمر
على رغم ان فى ناس مش بتعتير البرايمر اساسى فى روتين مكياجك، الا انه من اكتر الحاجات اللى هتحافظ على ثبات المكياج على وشك لوقت اطول، مهم جدا وانت بتختارى البرايمر انك تختارى واحد ماشى مع نوع بشرتك يعنى لو بشرتك جافه لازم يكون بيرطب ويدى حيويه للبشره ولو بشرتك دهنيه ومسامها واسعه لازم البرايمر يكون من النوع اللى يساعد على تصغير المسام
ومايزودش لمعان البشره

BB Cream

لو انت جديده فى الميك اب ممكن تبدأى تستعملى  قبل ما تدخلى عالم الفونديشن، استخدميه هيديكى لون وفى نفس 

الوقت تغطيتة خفيفه مش تقيله زى الفوندشن، لازم برضه تختارى النوع اللى يمشى مع نوع بشرتك، طبعا مش عايزين ننسى ان كوريا من الدول اللى ليها منتجات منه كتير جدا وحلوة

الكونسيلر
 ماينفعش تستغنى عنه حتى لو بتحطى ميك اب خفيف، الكونسيلر صبغه اللون بتاعه اتقل من الفونديشن وبيساعدك انك تدارى الهالات السودا او اى عيوب فى محيط العين، لو لسه بتبداى فى استعمال الكونسيلر خليكى فى اى نوع سائل واختارى لون اساسه بينك لو الهالات عندك مديه على ازرق او اساسه اصفر لو الهالات مديه على احمر

البودره
مهمه جدا عشان تثبتى مكياجك، لو بشرتك جافه ممكن تستغنى عن خطوة البودرة لكن لو بشرتك دهنية ماينفعش ابدا البودرة لازم ا  اللى هى القورة والمناخير والخدود لان دى اكتر منطقهT-zone  تكون اساسية عندك واهم مكان فى وشك تحيها عليه هى منطقه
بتفرز دهون، حاولى تستخدمى بودره سايبه شفافه لانها اخف من البودرة المضغوطه واللون الشفاف مش هيغير لون المكياج اللى حطاه



البرونزر
هو اللى بيخليكى شكلك عامله تان طول السنة حتى لو مش بتتعرضى للشمس خالص، من الافضل استخدام درجة دافئه حوالين جوانب وشك عند الجبهه وعضمة الخد وعضمة الفك وممكن تستخدمى الباقى على الفرشاة على طرف المناخير، الدرجات الباردة ممكن تستخدميها على المنطقه المجوفة عند الخدود ككنتور، لازم تنقى الدرجة اللى تليق على الاندرتون بتاعك وماتكونش غامقه على وشك وماتحطيش منه كتير اوى

من الحاجات اللى لما بتتحط صح بتدى حيوية للوش، بس خلى الاندرتون فى دماغك وانت بتختارى الالوان يعنى مثلا الوان peach 

بليق على الاندرتون البارد pink بيليق على الاندرتون الدافى والوان

الهايلايتر

الخطوة دى مش اساسية الا لو بتحبى شكل  الاضاءة اللى بيعملها الهايلايتر، فى منه بودر او سائل وبيتحط على نقط الاضاءة فى   الوش زى فوق عضمة الخد وطرف المناخير وتحت الحواجب لكن لو بشرتك دهنية لازم تعرفى انه هيزود لمعان وشك اكتر وهيظهر المسام الواسعه

 الجيل حلو مع الحواجب الخفيفة اوى على عكس بودر الحواجب بتكون احسن مع الحواجب اللى فيها فراغات

برايمر الايشادو
مهم جدا عشان ثبات الايشادو وبيخلى توزيع الايشادو اسهل وبيمنع اللمعان او بهتان اللون

الوان الايشادو المحايده

 لو انت مبتدئه وعايزة الاساسيات من الافضل يكون عندك باليت فيها درجات البيج والبنى والاسود كبداية والالوان الفاتحه بتتحط على الجفن المتحرك وزواية العين الداخلية وتحت عضمة الحاجب والالوان المتوسطة على الجفن الثابت والالوان الغامقه على زواية العين الخارجيه وتحت الرموش السفلية

الايلاينر
مهم جدا لابراز شكل العين ومن الاحسن يكون عندك 3 الوان الاسود والبنى للاستخدام اليومى والبيج بيدى وسع للعين

الايلاينر السائل او الجيل

لو انت مبتدئة لسه اتمرنى فى الجيل لان السائل اصعب ويفضل تحطيه بليل مش الصبح

الماسكرا
لا غنى عنها حتى لو مابتعرفيش تحطى اى حاجه تانيه فى المكياج

ليب لاينر

هو مش مهم فى الاول لكن هو بيثبت الروج وممكن فى البدايه تكتفى بلون واحد نفس لون شفايفك

الروج

اسهل حاجه ممكن تستخدميها وتغيرى فى الالوان

الفرش

خطوه مهمه ومش مهمه فى نفس الوقت يعنى هى مهمه لو عايزه تحطى مكياج وتوزعيه صح وممكن تستغنى عنها فى الاول او
 تجيبى الاساسيات فرشة للبلاش وفرشة للبودرة وفرشه لللايشادو وسفنجة

ايه هى انواع فنيش كريم الاساس؟

:الفنيش يعنى شكل كريم الاساس على وشك
مط يعنى مافيهوش لمعه
يعنى فيه لمعه بسيطه او زى الهايلايت كده semi matte سيمى مط
يعنى لمعته متوهجه اكتر وباينه وممكن ناس تشوفها مزيته satin ساتين
الفنيش ده خفيف جدا بيساوى عيوب البشره الخفيفه sheer or tinted شير او تنتيد

انواع الفنيش اللى يناسب كل بشره
 البشره الدهنيه: انسب فونديشن للبشره دى اللى بيدى فنيش مط لان اى فنيش تانى ممكن يوحى باللمعان والبشره دى مش ناقصه لمعان والاحسن كمان انه يكون بيشتغل على المسام الواسعه ويمتص الزيوت منها
ماتستخدميش ايدك فى توزيع كريم الاساس لو بشرتك دهنيه لانها هتنقل لوشك بكتريا وتعملك حبوب استخدمى فرشه و لما تحبى  plotting paper تتحكمى فى اللمعان اللى بيظهر على وشك فى نص اليوم ما تحطيش بودره تانى استخدمى
لو بشرتك دهنيه وفيها حبوب ماتحطيش فونديشن كتير على وشك ودورى على الانواع اللى بتعالج الحبوب وابعدى ان اى نوع فىيه زيوت وماتسخدميش فرش مش نضيفه ابدا

 البشره المختلطه: انسب فونديشن للبشره دى اللى فيه معامل حمايه ضد الشمس ويكون تغطيته خفيفه والفنيش بتاعه ممكن يكون مط او سيمى مط

البشره الجافه: انسب فونديشن ليها اللى بيدى فنيش ديوى او ساتين لان الفنيش المط هبين جفاف البشره، واستخدمى سفنجه فى توزيعه على بشرتك وحاولى ما تناميش على كيس مخده قطن لان القطن بيشرب اى كريم مرطب تحطيه على وشك

البشره العاديه: دى اكتر نوع بشره محظوظ استخدمى الفونديشن اللى بيدى فنيش مط او سيمى مط او ديوى لكن الساتين هيبقى كتير على بشرتك


 Revlon ColorStay Foundation 

مناسب للبشره الدهنيه والعاديه بيتحكم فى اللمعان وبيدوم 8 ساعات، فى منه 20 درجه بتليق على الوان البشره من الفاتحه لحد السمرا اوى  بتناسب كل الوان الاندرتون، وتغطيته خفيفه بتوصل لكالمه لو حطيتى كذا طبقه،  فى منه للبشره الجافه لكن مش مناسب

اوى ليها وبيظهر الجفاف بتاعها، ومافيهوش معامل حمايه ضد الشمس

L’Oreal True Match Super Blendable Foundation
لو عايزه تبدأى تستخدمى فونديشن ومش عارفه تجيبى ايه، اشترى ده وانت مغمضه لانه مناسب لكل انواع البشره وخصوصا البشره الحساسه لانه خالى من الروايح وفيه معامل حمايه قوى ضد الشمس، درجاته 17 بتناسب كل الوان البشره والاندرتون وتغطيته متوسطه بتوصل لكامله لو حطيتى كذا طبقه والحلو فيه انه بيدى لوك طبيعي و كمان اويل فري وده بيخليه مناسب جدا للبشره الدهنيه اللى فيها حبوب او عندها استعداد لتكوين حبوب 

Cover Girl TruBlend Liquid Foundation
الفونديشن ده فى منه 21 درجه بتليق على البشره الفاتحه لحد السمرا وبيمشى مع كل الاندرتونز وتغطيته خفيفه شبه
 مجرد انه بيغطى العيوب البسيطه فى البشره ويدى لون حلو عشان كده الفنيش بتاعه طبيعى ومناسب bb او tinted mouistrizer
ومناسب للبشرة العاديه والمختلطه no makeup makeup للناس اللى بتحب

 لان هو فعلا اساس اى حاجه هتحطيها على وشك foundation اى بنت بتحط ميكب اب اول حاجه بتفكر تجيبها كريم الاساس

فى اوقات ومناسبات هتحتاجى تحطى فيها كريم اساس، وبالمناسبه دى عايزين نتهز الفرصه Full makeup حتى لو مش بتحبى 

 ونصحح المعلومه لبنات كتير، كريم الاساس عشان يوحد لون البشره ويدارى المشاكل اللى فيها المسام الواسعه واثار الحبوب او اى مشكله تانيه فى بشرتك لكن مش عشان تغيرى لون وشك

  Jawline اول حاجه لما تيجى تجربى كريم اساس بتجربيه على المنطقه الممتده من الخد لغايه عظمه الفك، المنطقه دى اسمها 

ولو حسيتى انك حاطه حاجه على وشك بعد ما جربتيه يبقى اللون ده مش مناسب ليكى، لازم مايبنش انك حاطه حاجه

انواع كريم الاساس

water based النوع السايل بيناسب كل انواع البشره ومن اسهل الانواع فى الاستخدام، فيه نوعين منه، نوع اساسه ميه
 كريم الاساس اللى اساسه ميه تغطيته خفيفه واسهل فى الاستخدام من الكريم اللى اساسه زيت ،oil based ونوع تانى اساسه زيت
 البشره الجافه او اللى فيها تجاعيد: مناسب ليها اللى اساسه زيت، رغم انه تقيل وسميك لكن بيندمج بسهوله مع البشره دى لان كريمات الاساس السايله بتخفف من جفاف البشره وبتحافظ على الترطيب اللى فى الجلد وبتدى لمعه خفيفه

oil freeالبشره الدهنيه: مينفعش تحط اى كريم اساس اساسه زيت، ممكن تحط اللى اساسه ميه او
البشره العاديه: مناسب ليها كريم الاساس اللى اساسه ميه
التغطيه بتاعته بتكون من متوسطه لكامله حسب بتحطى منه اد ايه

creamy كريمى
 النوع الكريمى من اكتر الانواع اللى بتدى تغطيه حلوه وترطيب للبشره، بيكون فى صورة كريم او مضغوط او ستيك، مناسب اكتر  للبشره الجافه جدا او العاديه وبيدى تغطيه كامله وترطيب للبشره دى، لكن النوع ده مش مفضل للبشره الدهنيه

cake or stick
ده احسن نوع للبشره الدهنيه اللى مش بينفع معاها اى حاجه سايله او حتى ليها ملمس كريمى لانها بتفرز دهون ده ميزته انه بينشف بسرعه ومش بيلمع، ده غير انه بيغطى اثار الحبوب والمسام الواسعه اللى فى البشره دى كمان ممكن تستخدميهم كونسيلر، بس هو
مش مناسب للاستخدام اليومى لانه تغطيته تقيله ده غير ان مش كل الناس بتعرف تستخدمه بسهوله
البشره الجافه والعاديه: مش مناسب ليهم خالص لانه هيبرز الجفاف اللى فى البشره

بودره
 مافيهوش اى ترطيب ومناسب جدا للناس اللى مش بتحط ميك اب كتير ،loose او السايب  compact مضغوط  المضغوط

 لانه سهل فى الاستخدام والانواع السايبه منه بتستخدم لتثبيت الميك اب ، ممكن يستخدم مع كل انواع البشره لكن هو مناسب اكتر للبشره الدهنيه

waterproof كريم اساس ضد الميه
النوع ده مناسب للصيف عشان الحر والرطوبه العاليه بتسيح اى ميكب بسرعه، موجود منه سايل وكريمى ومناسب لكل انواع البشره الناس اللى بشرتها دهنيه تدور على النوع الخالى من الزيوت والناس اللى بشرتها جافه تدور على الانواع الكريمى منه

mineral
 النوع ده مصنوع من المعادن الطبيعيه زى اكاسيد الحديد واكسيد الزنك وثانى اكسيد التيتانيوم عشان كده اسمه كده وبيكون فى شكل
loose سايب
مناسب للبشره الحساسه عشان خصائصه الطبيعيه

spray foundation
مهم تستخدميه لما تكونى حاطه كريم اساس بقالك كتير وعايزه تظبطى اللى ساح واللى طار، مناسب للبشره الحساسه واللى فيها حبوب

creamy to power or liquid to powder البودر الكريمى
بيكون مضغوط زى البودر بس هو ليه خواص الكريمى والبودر مع بعض يعنى بيكون فى صوره سايل او كريمى بس بينشف بسرعه زى البودر وبيدى نفس فنيش البودر
مناسب للبشره المختلطه والعاديه

tinted moisturizer
مزيج من المرطب وكريم الاساس، بيرطب البشره وفى نفس الوقت بيدى لون وبيوحد اللون ، مناسب اكتر لفصل الصيف خصوصا لو فيه عامل حمايه ضد الشمس لان التغطيه بتاعته خفيفه
مناسب للبشره الجافه

mousse and whipped
عباره عن كريم اساس اسيل مضاف ليه هوا وبيدى فى الاخر فينش البودر عشان كده مناسب لكل انواع البشره

قبل ما تختارى كريم الاساس محتاجه تعرفى الاندرتون بتاعك وده اتكلمنا عنه قبل كده ومحتاجه تجاوبى على كام سؤال
عشان تعرفى تختارى صح

نوع بشرتك ايه؟ -
ا- دهنيه او مختلط
ب- عاديه
ج- جافه
د- حساسه

 اكبر مشاكلك مع كريم الاساس هى -

ا- مش بيثبت، بتحطيه الصبح على الضهر مش بتلاقيه
ب- شكله مقشر وغامق على وشك
ج- شكله عليك تقيل كأنك حاطه طبقات
د- بيهيج وشك ويخليه يضرب حبوب ومشاكل

ايه العيوب اللى عايزه تداريها بكريم الاساس -
ا- حبوب والمسام الواسعه
ب- اختلاف لون البشره والبقع الغامقه
ج- الاحمرار
 د- عايزه تبرزى وشك بس

تغطيه كريم الاساس عايزاها
 (matte) ا- مطفيه
(dewy) ب- بتلمع
ج- طبيعيه
د- متساويه

مش بتسد المسام وبتخلى وشك مش بيلمع oil free لو اجاباتك معظمها( ا )تبقى محتاجه حاجه خاليه من الزيو
لو اجابتك معظمها (ب) تبقى محتاجه حاجه كريمى تحافظ على مستوى الميه اللى في بشرتك وترطب وكمان تحارب التجاعيد
لو اجابتك معظمها (ج) ممكن تستخدمى اى نوع يا محظوظه
    ولو مش بتعرفى تتحكمى فى النوع السايب دورى على حاجه مضغوطه mineral لو اجابتك معظمها(د) بشرتك حساسه محتاجه

للشعر الجاف استخدمى بيكربونات صودا اقل وخل اكتر الشعر الدهنى استخدمى بيكربونات اكتر وخل اقل

http://thenopoomethod.com/no-poo-methods
http://thenopoomethod.com/faqs
http://coderedhat.com/no-poo-method
http://livinginanotherlanguage.com/no-poo-frequently-asked-questions

الاندرتون مصطلح دارج بقاله فتره ومع ذلك فى ناس كتير لسه بتشوف الكلام ده مش مهم اوى وان طول عمرهم بيشتروا ميكب اب وكانت بتظبط معاهم من غير ما يسمعوا عن الاندرتون ، لكن لو عرفتى تحدديه صح هيوفر عليكى وقت كتير فى اختيار كل الوان الميكب اب اللى تليق عليكى ومش هتقعدى تلفى حوالين نفسك عشان تختار لون الفونديشين اللى يليق عليكى ولا هتضطرى تخلطى كذا لون فونديشن عشان يديكى لون حلو فى الاخر

  cool, warm, neutral:الوان الاندرتون

مثال للالوان الاندرتون على الوش

 اساس لون الجلد بيكون احمر او بينك او ازرق (cool) البارد

 اساس لون الجلد بيكون دهبى او اصفر او خوخى (warm) الدافى

 اساس لون الجلد بيكون ميكس من الدافى والمحايد (neutral) المحايد

الوان الاندرتون

:ازاى تعرفى تحددى الاندرتون بتاعك

عروق الجسم: لو لونها مخضر شوية يبقى الاندرتون بتاعك دافى، ولو لونها ازرق يبقى الاندرتون بتاعك بارد، ولو عندك الاتنين او لونها اخضر مزرق او بنفسجى يبقى الاندرتون بتاعك محايد

Add caption

الدهب والفضه: البسى انسيال دهب فى ايد وانسيال فضه فى الايد التانيه وشوفى انهى لون لايق عليكى اكتر، لو الدهب لايق اكتر تبقى اندرتون دافى ولو الفضه لايقه اكتر تبقى اندرتون بارد، كمان الوان الهدوم لو بتحلوى وتزهزهى كده لما تلبسى درجات الدهبى والاخضرات والالوان الترابيه دى تبقى اندرتون دافى ولو بيليق عليكى اكتر الالوان البارده الازرقات بدرجاتهم تبقى اندرتون بارد، لو الدهب والفضه الاتنين شكلهم عليكى حلو وكل الالوان حلوة عليكى تبقى اندرتون محايد

اللون الابيض: هاتى ورقة بيضا او فوطه بيضا وحطيها جنب وشك قدام المرايه بس ماتكونيش حاطه اى ميكب اب، لو انعكاس اللون الابيض عليكى مخلى وشك مغمق او مصفر تبقى اندرتون دافى، ولو انعكاس اللون الابيض عليكى مدى على روز او ازرق او احمر تبقى اندرتون بارد، ولو مش حاسه باى اختلاف تبقى اندرتون محايد

لون الجلد ورا الودن: المنطقه دى من المناطق اللى لون الجلد فيها صعب يتغير، خلى حد يشوف لون الجلد ورا ودنك ايه لو لاقاه مصفر تبقى اندرتون دافى، ولو لاقاه روز او بينك تبقى اندرتون بارد، ولو صعب انه يحدد ممكن يمسك ورقه بيضا ويشوف انعكاس الابيض ايه على المنطقه دى


التعرض للشمس: لو انت من الناس اللى لما بتتعرض للشمس بتتحرق مش بتسمر تبقى اندرتون بارد، ولو بتسمرى وتاخدى تان تبقى اندرتون دافى، بس التجربة دى مش اكيده اوى لان فى ناس عندها حساسيه من الشمس وممكن تتحرق رغم انها اندرتون دافى مش بارد

لون العين: الناس اللى عنيها لونها بنى فاتح او اخضر او بنى على دهبى او عسلى غالبا بيبقوا اندرتون دافى، والناس اللى عنيها سودا او بنى غامق مدى على اسود او رمادى او ازرق صريح غالبا بيبقوا اندرتون بارد

لون البشره: مش شرط الناس البيضا تكون اندرتون بارد والسمرا تكون اندرتون دافى

بياضها بيكون شاحب وممكن تكون عندها نمش او احمرار وبتتحرق بسرعه من الشمس، الاندرتون ممكن (fair) البشره البيضا اوى
يكون بارد او دافى

 بتتحرق من الشمس بس الاحمرار ده بعد كده بيتحول لتان وبتحمر من عند الخدود بس، الانرتون  (light skin) البشره الفاتحه
ممكن يكون بارد او دافى

دى الناس اللى مسلمه امرها لله ولا بيفرق معاهم شمس ولا بتاع اخرها تعملهم تان، الاندرتون  (medium) البشره السمرا الفاتحه
ممكن يكون دافى او محايد

الشمس مبتأثرش معاهم خالص، الاندرتون ممكن يكون بارد او دافى (dark) البشره الغامقه اوى

الاندرتون الصح هيخليكى تختارى لون كريم الاساس والبرونزر والهايلايتر والكنتور والروج صح لكن مش هيفرق فى مكياج العين

بنات كتير دلوقتى بتسمع كلام زى الماركه دى هاى اند والماركه دى درجستور وماتعرفش فرق بينهم غير ان دى غاليه ودى
 رخيصه