No Poo Method غسيل الشعر من غير شامبو
06:09
موضوع غسيل الشعر بوصفات طبيعية شاغل بال بنات كتير اليومين دول، الطريقة دى اسمها No Poo او No Shampoo
فى ناس ممكن تسأل وانا ليه اعمل كده؟
عايزين نتفق على حقيقة ان الشامبو يعتبر مسحوق غسيل، الشامبو مش بس بينضف شعرك ده كمان بيشيل معاه الزيوت اللى الشعر بيفرزها من فروة رأسك، الموضوع ده بيخلى الجسم يفرز زيوت اكتر عشان يعوض المفقود فالنتيجه ان الشعر بيزيت اسرع (بس بنسب اكثرهم الشعر الدهنى واقلهم الشعر الجاف) وبالتالى يتغسل اسرع
الناس اللى بتحب الطريقه دى بتحاول تبعد عن الكيماويات اللى فى الشامبوهات، الشامبو فى حد ذاته مش وحش الكيماويات اللى فيه هى اللى وحشه، الكيماويات دى زى سلفات الصوديوم Sodium Laurel Sulfate اللى بتعمل رغوة الشامبو والبارابين Parabens وهى مجموعه المواد الحافظه اللى موجوده فى معظم منتجات التجميل اللى بتمنع البكتيريا انها تتكون فيها وتبعتر من احد مسببات السرطان ده غير تأثيرها الضار بالجلد (دايما دكاتره الجلديه بتنصح انك تحاولى تبعدى شعرك عن وشك وانت بتغسليه)، بس كمان لازم نقول ان فى شامبوهات خاليه من الكيماويات ومعموله من حاجات اورجنيك
مميزات No Poo:
بتوفرى وقت وفلوس
فى ناس شعرها فعلا بيتحسن بالطرق الطبيعية، التجعد بيقل وبيطول اسرع
بتبعدى عن الكيماويات الضاره اللى فى الشامبوهات وبالتالى صحتك وجلدك هيبقوا احسن
عيوب No Poo:
الشعر بياخد فتره لحد ما يتعود عليها
مش بنتفع مع كل انواع الشعر
فى ناس بتتضايق من رائحه الخل، اللى مش دايما بتروح بسرعه
ماتنفعش مع الناس اللى بتغسل شعرها كل يوم، البيكينج صودا (بيكربونات الصوديوم) ممكن تسبب حساسيه فى فروة الرأس لانها من القلويات Ph 9 (نسبة الحامض او القلوي فى الماده) لكن Ph الشعر بيكون من 4-7
ايه هى طرق No Poo:
بيكربونات الصوديوم وخل التفاح:
 |
| للشعر الجاف استخدمى بيكربونات صودا اقل وخل اكتر الشعر الدهنى استخدمى بيكربونات اكتر وخل اقل |
البيكربونات بتقوم بدور الشامبو والخل بيقوم بدور البلسم، حطى معلقه بيكربونات على كوبايه ميه وحاولى تحطيهم فى ازاز مش بلاستيك (معلقه على نص لتر ميه) رجيها كويس ورشى منها على شعرك المبلول وركزى على جدور وفروة الشعر مش الاطراف، لازم تشطفيه كويس عشان كل البيكينج صودا تنزل منه
بعد كده استخدمى خل التفاح، هاتى ازازه وحطى ربعها خلى تفاح و3/4 ميه ورجيها كويس ورشى منها على شعرك وركزى على الاطراف وسبيبه دقيقتين واشطفيه
الطريقه دى ممكن تنشف الشعر لو كترتى من البيكربونات، ولازم تسنخدمى خل التفاح او الخل العادى عشان الخل حمضى وهيوازن مستوى Ph فى الشعر، الاحسن انك تستخدميها مره فى الشهر ولو نزلتى حمام السباحه ماينفعش تستخدمى الطريقه دى خالص
البيض:
اهم حاجه لو فكرتى تستخدمى البيض انك تستعملى ميه بارده مش سخنه عشان مانجيش ناكل البيض من شعرك، اضربى بيضه وحطيها على شعرك المبلول وممكن تزودى ميه او عسل للبيض وسبيه على شعرك من 5-15 دقيقه واشطفيه بعد كده، ممكن تستخدمى الخل بعده او لا
الطريقه دى يفضل تستخدمى مرتين فى الشهر بس لان البيض مليان بروتين وفى نوع شعر مش بيتقبل البروتين الكتير، كمان الطريقه دى من احسن الطرق للشعر الكيرلى
الميه:
ممكن تستخدمى الميه بس فى الغسيل من عير اى مواد تانيه، الميه تكون دافيه مش سخنه وحاولى تعملى مساج لشعرك وهو تحت الميه وبعد كده خدى خصله خصله وبراحه مررى عليها صوابعك من فوق لتحت، نشفيه بحاجه قطن وسبيبه ينشف وبعد كده سرحيه وممكن تستخدمى الطريقة دى زى مانت عايزة
الشامبو الجاف:
ممكن كمان تستخدمى اى شامبو جاف، بيكون عباره عن حبيبات بتحطيها على شعرك شويه وبعده كده تسرحيه
ملاحظات عامه:
اول ما تبطلى الشامبو وتستخدمى اى طريقه من اللى فوق، شعرك هيمر بمرحله انتقاليه هيبقى مزيت وملمسه شبه القطن وهتبقى قرفانه منه لانه بيحاول يطرد اثار الشامبو اللى بقالها سنين فى شعرك ويتعود على طريقه تانيه للغسيل
لازم تستعملى clarifying shampoo قبل ما تبداى تستخدمى الطرق دى لو كنت استخدمتى منتجات فيها سليكون للشعر، ده شامبو بيشيل كل الترسبات اللى فى فروة الرأس نيروجينا عندها واحد حلو اوى ومش غالى
مش كل الطرق تنفع مع كل الناس لازم تجربى كذا طريقه وتشوفى هتستريحى فى انهى اكتر
لو شعرك كيرلى حاولى ماتستخدميش البيكربونات واهتمى بترطيب الشعر بماسكات قبل الغسيل ممكن تستخدمى العسل، الزبادى، الالوفيرا، زيت جوز الهند، زيت الزيتون، زيت الارجان، زيت الخروع، زيت الجوجوبا
ممكن تستخدمى الصبغه عادى بس الافضل انك تستعملى الحناء لو حبيتى تغيرى لون شعرك، ماينفعش تبطلى الشامبو عشان تحافظى على شعرك بس عايزه تستخدمى صبغه اللى هى مضره اكتر للشعر
ممكن تستخدمى السشوار وبيبى ليس عادى
غسيل الشعر هيكون كل اسبوع او 10 ايام ماينفعش يتغسل بالطرق دى كل يوم لو حاسه ان شعرك متوسخ اوى ممكن تستخدمى شامبو جاف او ميه بس فى النص
فى ناس بتقول ان الطرق دى مش مناسبه للشعر المعالج كيمائيا بس انا ملقتش مصدر موثوق مأكد الحقيقه دى، بس برضه حاولى تدورى تانى قبل ما تستخدمى الحاجات دى لو عامله شعرك بروتين او كراتين
لو خايفه على شعرك من الكيماويات ممكن تستخدمى شامبو مافيهوش سلفات او اورجانيك معمول من حاجات طبيعيه ولو عايزه تجربى حاجات طبيعيه صرف جربى الطرق اللى فوق وشوفى فى الاخرهتستريحى فى انهى اكتر
فى طرق تانيه ومعلومات اكتر فى اللينكات دى
http://thenopoomethod.com/faqs
http://coderedhat.com/no-poo-method
http://livinginanotherlanguage.com/no-poo-frequently-asked-questions
3 comments
ReplyDeleteشركة تنظيف مفروشات بجدة
تجد الكثير من السيدات المعاناه فى التخلص من مهام التنظيف المنزلية و الحصول على منزل نظيف و خالى من جميع الاوساخ و الاتربة و لكن دائما ما يصعب عليها توفير الوقت لذلك و مع شركة تنظيف مفروشات بجدة يمكنكم الحصول على منزل نظيف و خالى من جميع الاوساخ و الاتربة المنتشرة بالمنازل و على الارضيات و الكنب و الموكيت كل ما عليكم هو التواصل معناو نحن نأتى لكم فى الحال و بأقل وقت و بأبسط التكاليف المستخدمة فى ذلك فنحن ماهرون فى ذلك كل ما عليكم هو التواصل معنا و سنقدم لكم اعلى الخدمات التنظيفية
تنظيف عمائر بجدة
http://elmnzel.com/cleaning-jeddah/
ReplyDeleteشركة نظافة عامة بالمدينة المنورة
للتخلص من جميع الاعباء التنظيفية المزعجة و الحصول على حياة هادئة و خالية من مهام التنظيف و الحصول على منزل نظيف و لامع مع أقوى فريق من العمالة المدربة و المجهزة للعمل على أعلى مستوى مع شركة تنظيف منازل بالمدينة المنورة يمكنكم التواصل معنا ونحن نأتى لكم اينما تريدون فنحن جاهزون للعمل اينما تريدون و بأفضل الادوات المستخدمة فى التنظيف و احدث الاجهزة و بأقل التكاليف مع شركة مالك افضل شركة تنظيف بالمدينة المنورة
غسيل كنب بالمدينة المنورة
http://maliek.net/cleaning-medina/
شركة تنظيف بمكة
ReplyDeleteان شركة صقر البشاير شركة تنظيف بمكة من افضل الشركات على الاطلاق التى تقدم جميع خدمات التنظيف مثل تنظيف فلل بمكة و تنظيف منازل بمكة و غسيل سجاد بمكة ... والكثير من مهام التنظيف الاخرى كما انها شركة نظافة عامة بمكة توفر لك كافة خدماتها بأقل الاسعار التى لا تسبب لك مشكلة عند الرغبة فى الحصول على خدمات التنظيف
تنظيف منازل بمكة
https://elbshayr.com/5/House-clearance